Fondo pesar na Universidade compostelá polo falecemento do compañeiro Manolo Díaz

A Universidade de Santiago de Compostela quere unirse á profunda dor da familia e amizades do compañeiro Manolo Díaz Rey, falecido o domingo. O enterro será este luns, 2 de abril, ás 17.30 horas no cemiterio de Boisaca. Manolo Díaz desenvolvía dende hai anos o seu labor profesional na sección de Xestión do Profesorado do Servizo de Xestión de Persoal emprazada na Casa da Balconada. Formaba parte do cadro de persoal da Universidade dende o ano 1990, gañándose nestes vinte e dous anos o aprecio de todos os seus compañeiros e compañeiras.