Fondo pesar na Universidade de Santiago polo falecemento do profesor Carlos Gómez-Reino Carnota

A Universidade de Santiago manifesta o seu fondo pesar polo falecemento do catedrático da área de Óptica Carlos Gómez-Reino Carnota e súmase á dor da familia e das persoas achegadas a el. Integrante do cadro de persoal docente da institución compostelá dende hai máis de 30 anos, Carlos Gómez-Reino foi un dos impulsores da Escola de Óptica e Optometría da USC, da que sería director, ademais de ter ocupado postos de responsabilidade universitaria como vicerreitor para o Campus de Santiago na etapa de Darío Villanueva. No eido investigador era coordinador do grupo de Microóptica e Óptica GRIN.