Fondo pesar na USC polo falecemento da profesora de Farmacia Begoña Seijo Rey

A Universidade de Santiago de Compostela lamenta o pasamento da profesora Begoña Seijo Rey, do Departamento Farmacia e Tecnoloxía Farmacéutica. Era unha recoñecida investigadora, membro do grupo Nanotecnoloxías aplicadas ao deseño de sistemas de liberación de fármacos, coordinadora do Máster Universitario en Investigación e Desenvolvemento de Medicamentos e do programa de doutoramento homónimo.

A decana de Farmacia, María Isabel Sández, e o director do departamento, Francisco Otero, mostraron o pesar do claustro de profesores, do persoal de administración e servizos e dos estudantes por “tan sensible perda”. O funeral terá lugar este mércores 4 ás 19.00 horas no Tanatorio de Boisaca, de Santiago de Compostela.

O reitor da Universidade, Juan Viaño resalta, “con grande pesar para toda a Universidade”, a perdida da profesora Seijo Rey e destaca os seus méritos docentes e investigadores.