Fondo pesar na USC polo pasamento de José Luis Quiñoá López
O lugués José Luis Quiñoá López, catedrático da USC desde 1993, viña de xubilarse da actividade docente o curso pasado
Santiago de Compostela
A Universidade de Santiago de Compostela manifesta o seu fondo pesar polo pasamento do profesor da área de Economía Cuantitativa na Facultade de Ciencias Económicas e Empresariais José Luis Quiñoá López, e únese á dor da súa familia e amizades.
O lugués José Luis Quiñoá López, catedrático da USC desde 1993 que viña de xubilarse da actividade docente o curso pasado, estaba afincado desde hai décadas en Compostela, onde era unha persoa moi querida e recoñecida tanto pola comunidade universitaria como polo resto a sociedade.