Graduación da XI Promoción do Máster en Enxeñaría Ambiental

A décimo primeira promoción do Máster en Enxeñaría Ambiental da USC que coordina Francisco Omil Prieto celebrará o seu acto de graduación este venres 17 ás 17.00 horas no Salón de Actos da ETSE.

Presidido pola vicerreitora de Internacionalización, Almudena Hospido Quintana, no acto participarán o alumno Manuel Rama Caamaño; o profesor e padriño académico da promoción, José Antonio Souto González; o xefe de Calidade e Medioambiente de ENCE e padriño de empresa, Carlos Casas de Ron; e o director de ViAQUA, Julio Masid Bande.

A continuación terá lugar a entrega de bolsas de ViAQUA -empresa patrocinadora da titulación- a alumnado de primeiro curso e dos diplomas aos que rematan os estudos de posgrao.