O grupo de Química Biolóxica da Real Sociedade Española de Química premia dous investigadores do CIQUS

Dous investigadores novos do Centro Singular de Investigación en Química Biolóxica e Materiais Moleculares da USC (CIQUS), María Maneiro e Jesús Mosquera, acaban de ser premiados polo seu relatorio presentado na segunda xuntanza bienal do grupo de Química Biolóxica da Real Sociedad Española de Química, organizada de xeito conxunto co XIV Encontro Peptídico Ibérico. Ao encontro asistiron en Bilbao máis de 140 investigadores. María Maneiro e Jesús Mosquera están a realizar a súa tese de doutoramento baixo a dirección dos profesores Concepción González-Bello e José L. Mascareñas e Eugenio Vázquez, respectivamente.