Gustavo Hervella presenta o Proxecto de Investigación Interuniversitario 'As vítimas, os nomes, as voces e os lugares'
O 27 de abril na Facultade de Veterinaria, durante o encontro de 'Vermellas'
O investigador Gustavo Hervella intervirá o luns 27 no Encontro arredor da Mostra ‘Vermellas’, para presentar o Proxecto de Investigación Interuniversitario ‘As vítimas, os nomes, as voces e os lugares’. A charla terá lugar na Sala Isaac Díaz Pardo da Facultade de Veterinaria ás 19:00 horas.
A exposición conta con abundante material fotográfico e audiovisual procedente do Proxecto, ademais dunha cartografía na que se pode pescudar a represión exercida ás mulleres durante o franquismo.
Poderase visitar a mostra ata o 5 de maio, de luns a venres, en horario de 13:30 a 16:30 horas e de 19:00 a 21:00 horas.