Imposición da Insignia de Ouro da USC ás persoas que integraron o equipo de goberno no mandato que agora remata

O reitor en funcións Senén Barro presidirá o vindeiro luns 21 un acto protocolario no que lle imporá a Insignia de Ouro da USC ás persoas que integraron os equipos de goberno no mandato que agora remata.

A sesión comezará a partir das 13:00 horas no Salón Nobre do Colexio de Fonseca. Segundo o Regulamento de Honras e Distincións da institucións, a Insignia de Ouro da USC seralle concedida a aquelas persoas que sabresaian dun xeito especial nos servizos prestados á Universidade, ben pola súa duración ou pola súa especial relevancia.