Inauguración da exposición ‘Con nome de muller’ sobre emprendemento feminino

O programa Woman Emprende da USC mostrará nunha exposición experiencias concretas de emprendementos protagonizados por mulleres. A mostra ‘Con nome de muller’ inaugúrase este xoves 27 ás 13.00 horas no Claustro do Colexio de Fonseca, onde permanecerá ata o 2 de novembro para comezar un percorrido por distintos centros universitarios. No acto participan o reitor Juan Casares; a secretaria xeral de Igualdade da Xunta de Galicia, Susana López; a vicerreitora de Responsabilidade Social e Calidade, Benita Silva Hermo; e a arquitecta e emprendedora María Luisa García Gil, que ofrecerá unha charla no Salón Nobre.

A mostra fala de grandes emprendedoras pero tamén das pequenas historias que constrúen o día a día na vida, nos negocios, na investigación ou na Universidade. A través destas experiencias o programa Woman Emprende, que dirixe Eva López, ofrece fórmulas para animar ás universitarias a que dean o paso ao eido empresarial.