Investigadores da USC estudan estratexias de implementación de e-learning en universidades tradicionalmente presenciais

Profesores da Universidade de Santiago e membros do Grupo Stellae están participando nun proxecto de investigación de e-learning no marco dun convenio bilateral entre a institución compostelá e a Universidade Estadual do Rio Grande do Sul (Brasil).
O proxecto, no que participan varias Universidades iberoamericanas, ten como obxectivo desenvolver un estudo comparativo sobre as estratexias de implementación de E-Learning en universidades tradicionalmente presenciais. Así mesmo, coa investigación preténdese estimular a creación de grupos de apoio e o intercambio de experiencias entre diferentes para, en definitiva, dar resposta aos retos da sociedade do coñecemento así como ás necesidades derivadas do proceso de converxencia ao EEES.
Na USC o equipo de investigación está coordinado pola profesora Mª Dolores Fernández Tilve e configurado polos profesores Quintín Álvarez Núñez, Mª Laura Málvar Méndez, Mª del Mar Sanjuán Roca e Raquel Mariño Fernández, todos eles especialistas en novas tecnoloxías, formación e desenvolvemento profesional do profesorado, organización escolar, inserción sociolaboral e atención á diversidade.