Investigadores da USC publican en galego nunha revista estadounidense

Os profesores da USC Ramón López Facal e María Pilar Jiménez Aleixandre, dos Departamentos de Historia Contemporánea e de Didáctica das Ciencias Experimentais, respectivamente, veñen de publicar en galego na revista estadounidense Cultural Studies of Science Education.Respectando o idioma orixinal dos autores, as persoas que accedan en liña á revista do grupo Springer atoparán un resumo extenso en lingua galega do artigo ‘Identities, social representations and critical thinking’.
A achega dos docentes composteláns discute un estudo realizado en Francia sobre a aceptación ou rexeitamento de estudantes universitarios á reintrodución de osos e lobos, interpretando que se asignan "identidades nacionais" a estes animais. O artigo pódese consultar dende a USC en http://dx.doi.org/10.1007/s11422-008-9134-9.