O itinerario de adestramento para a procura de emprego trasládase a Relacións Laborais

O Talent’s Loop, un itinerario de adestramento individual para a procura de emprego enmarcado no programa ‘Emprega-T: as 8 T’s do talento’ da USC, trasládase esta semana á Escola de Relacións Laborais.

Esta é a primeira vez que se vai desenvolver no Campus Vida, nun intento por facilitar que todo o alumnado universitario participe neste laboratorio de emprego persoal e individualizado no que se simulará un proceso de selección real durante tres días. Quen participe poderá pór en práctica os coñecementos adquiridos e solucionar as dúbidas que poidan xurdir na vida real.

O circuíto será desde este martes 15 ata o xoves 17 de 9.00 a 21.00 horas no vestíbulo da Facultade, onde haberá un posto de información para quen desexe inscribirse.

O simulador, cunha duración de dúas horas, estrutúrase en cinco pasos nos que se recibirá feedback personalizado por expertas e expertos para mellorar as posibilidades de pasar con éxito un proceso selectivo: constrúe a túa imaxe; os seis segundos de vida do Currículo Vitae; supera as entrevistas con éxito; amosa o teu speech; e brilla nas dinámicas de selección.