A partir do luns poderanse reservar por internet as instalacións deportivas da USC

O Servizo de Deportes da USC pon en funcionamento a partir deste luns, 8 de marzo, a reserva de instalacións para práctica libre a través do web. Os espazos que se poden reservar son as pistas de tenis, o pavillón polideportivo, o campo de fútbol e as pistas de bádminton e tenis de mesa.
Só é necesario dispor do cartón deportivo e un contrasinal que poden solicitar nas oficinas da Área de Deportes e nas conserxarías das instalacións. Os pagos poderán efectuarse con tarxeta de crédito a través de TPV virtual ou mediante consumo de bonos do respectivo espazo.