Manuel Puga Pereira tomará posesión como presidente da Academia de Farmacia de Galicia

Manuel Puga Pereira tomará posesión como presidente da Academia de Farmacia de Galicia este mércores 19 no transcurso do Acto Académico de apertura do curso 2014 desta Academia. A sesión comezará ás 19.00 horas no Antigo Hospital de San Roque de Santiago de Compostela. Puga Pereira, ao longo dos últimos oito anos, foi presidente do Consello Social da Universidade de Santiago de Compostela, ata que en xaneiro deste ano foi nomeado para o cargo José María Arias Mosquera. A sesión da Academia de Farmacia de Galicia comezará coa lectura da memoria de actividades do ano 2013 e deseguido, o presidente cesante, Isaac Arias Santos, pronunciará o discurso de fin de mandato. A orde do día continúa coa toma de posesión da nova Xunta de Goberno e coa intervención do novo presidente. O acto, ao que está prevista a asistencia do reitor da USC, Juan Casares, rematará co discurso de apertura do curso, que pronunciará Mª Tarsy Carballas Fernández.