Martín Pena Varela, subcampión galego sub 10 de xadrez

O xadrecista do club USC Martín Pena Varela proclamouse subcampión galego sub 10 no campionato que a semana pasada se celebrou en Padrón e no que Jorge Méndez Rial se fixo coa vitoria con 7 puntos, os mesmos que o propio Pena.

Na proba participaron 72 xogadoras e xogadores representantes de todos os zonais de Galicia. Os dous primeiros clasificados representarán a Galicia no Campionato de España sub 10 que se vai celebrar en Salobreña (Granada) a finais de xuño.