Tres mulleres do equipo de natación da USC fanse con ouros no campionato galego máster de inverno

O equipo de natación da USC tivo unha excelente actuación no campionato galego máster de inverno celebrado este domingo en Carballo no que obtivo 3 medallas de ouro, 9 de prata e 8 de bronce. Os ouros foron todos para tres mulleres: Andrea Casal en 200 costas, Elena Brozos en 50 libres e Paloma Herbello en 200 libre. Ademais, en categoría feminina Elena Brozos fíxose coa prata en 200 libres; Rita Cabanelas coa prata en 100 estilos e o bronce en 50 costas; Paula Prada bronce en 100 estilos e prata en 50 bolboreta; Sara Lago prata en 100 braza e bronce en 200 libre; e Paloma Herbello o bronce en 100 braza. En categoría masculina, David López acadou a prata en 400 libres e o bronce en 100 braza; Pablo Cabanelas a prata en 400 e en 200 libres; Jorge Mira prata en 50 e en 200 libres; Pablo Castro o bronce en 100 braza e Danel González o bronce en 400 libres.

Ademais, o equipo masculino de 4x50 metros estilos acadou a medalla de bronce.