Muxía e as Fragas do Eume, novas rutas de sendeirismo da Área de Deportes para novembro

Muxía e as Fragas do Eume son os dous próximos destinos das rutas de sendeirismo que a Área de Deportes organiza para o presente mes de novembro. A primeira delas está programada para o sábado 14, para o que as persoas interesadas deberán formalizar a preinscrición antes do próximo día 11. Para a ruta cara as Fragas do Eume, programada para o día 28, o prazo de preinscrición estará aberto ata o día 25, con prezos de entre 17 e 22.
Escolas deportivasPor outra banda, os universitarios aínda teñen opcións de inscribirse nas diversas escolas que a Área de Deportes organiza para o presente curso. Deste xeito, existen prazas dispoñibles en actividades nos centros (pilates e taichi), aerobic e steps, aerolatino, atletismo, bailes de salón, capoeira, danza do ventre, escola da columna, escolas de deportes colectivos, esgrima, expresión da voz e do corpo, hip-hop, intervaltono, ioga, judo (infantil e adultos), karate, kung-fu, mellora da condición física, predeporte, taekwon-do, tai-chi, tiro con arco, xadrez, ximnasia de mantemento e terapéutica. Os horarios, prazos de inscrición e importes pódense consultar na web da área de deportes.