Novas rutas de sendeirismo por Galicia e Compostela

A Universidade de Santiago volve organizar este mes de outubro novas rutas de sendeirismo en diversos lugares da xeografía galega e por Compostela. A primeira camiñada terá lugar o sábado 15 e discorrerá por Porto do Son, concretamente ascenderase ao Monte Enxa ao longo de 15 quilómetros cunha dificultade media. Xa o sábado 29 o percorrido será pola zona de Forcarei, nas pontes do río Lérez. Rutas por Compostela Os parques e xardíns de Compostela serán o 18 de outubro o destino das rutas que discorren por Compostela. Para inscribirse en calquera destas actividades deportivas é necesario estar dado de alta como usuario de Deportes da USC para este curso.