Novas rutas de sendeirismo no mes de novembro

A Universidade de Santiago de Compostela propón para este mes de novembro tres novas rutas de sendeirismo. Discorrerán por Fisterra, A Pobra de Trives e O Pedroso. O percorrido por Fisterra será este sábado 12 cunha lonxitude aproximada de 21 quilómetros e unha dificultade media. A ruta comeza en Sardiñeiro con rumbo á praia de Langosteira para chegar á vila. De aí partirase ao monte de San Guillerme para coñecer os restos da capela e contemplar as vistas da zona. A ruta continuará cara ao monte do Facho, rodeando así toda a península do Cabo Fisterra, para chegar ás proximidades da praia de Mar de Fóra e logo subir ao monte de Seoane. Próximos destinos O xoves 24 terá lugar unha ruta nocturna ao Pedroso de preto de tres horas, cunha lonxitude de oito quilómetros e dificultade baixa-media. Por último, o percorrido por Pobra de Trives terá lugar o fin de semana do 26 e 27. O percorridos terán unha dificultade media, entre 15 e 20 quilómetros, con algún desnivel tanto de subida como de baixada.