Novas rutas de sendeirismo para o mes de setembro
Ábrese o prazo de matrícula en escolas deportivas do Campus de Santiago
O Servizo de Deportes da Universidade de Santiago ten aberto o prazo de inscrición para as rutas de sendeirismo do mes de setembro. O día 22 está prevista unha de Corrubedo a Baroña e o 29 outra ao Pindo. Ademais, tamén este luns se abriu o prazo de matrícula para as persoas da categoría A nas escolas deportivas do campus de Santiago de ximnasia terapéutica e de mantemento, Ioga, pilates, xadrez, iniciación á danza, baile en liña, baile latino e tropical, bailes de salón, tiro co arco, taekwondo, tai-chi, kung-fu, karate, judo, esgrima, mellora da condición física, aerobic e step, atletismo, escola de natación e actividades acuáticas.