A obra teatral Cinzas, premiada pola súa montaxe e interpretación feminina no Festival de Vilnius

Logo de ter acadado o recoñecemento nun dos festivais teatrais máis antigos de Portugal, a obra Cinzas da Aula de Teatro da USC suma agora os premios á mellor montaxe e á interpretación feminina, polo traballo de Helena Salgueiro, no Festival Internacional de Teatro Universitario de Vilnius (Lituania).

Cinzas é a produción da Aula de Teatro compostelá para este curso estreada o pasado mes de decembro no Teatro Principal e que, baixo a dirección de Roberto Salgueiro, propón un relato que se confirma a partir de diversos textos de Rodrigo García. Xa no mes de marzo, recibira no Ciclo de Teatro Universitario da Beira Interior de Portugal os premios do xurado ao mellor espectáculo e á mellora interpretación, este último ao elenco de actores e actrices da compañía.