O Observatorio do Código Ético da USC celebra a súa primeira xuntanza en Lugo

O Observatorio do Código Ético da USC, constituído o pasado mes de xullo, reunirase este xoves 29 por primeira vez na Vicerreitoría de Coordinación do Campus de Lugo. Ao remate da xuntanza, ás 12:45 horas, o vicerreitor do Campus de Lugo, Carlos Herrero; e o presidente do Observatorio e valedor da comunidade universitaria, Florencio Arce, comparecerán ante os medios de comunicación para dar conta dos asuntos tratados.
O Observatorio do Código Ético intégrano nove representantes do persoal docente e investigador, do persoal de Administración e Servizos, do estudantado e do Consello Social, que se encargan de difundir o Código da USC tanto no seo da comunidade universitaria como fóra dela, ademais de avaliar anualmente o seu cumprimento.