Cómo obter o máximo rendemento da rede Linkedin, un obradoiro gratuíto na USC

A Área de Orientación Laboral do Campus de Santiago mantén aberta a matrícula do obradoiro práctico e gratuíto ‘¿Para qué Linkedin?: aprender o uso eficaz desta rede profesional, que impartirá na mañá deste xoves 19 Alberte Cea, orientador laboral no Concello de Vigo e experto no uso de ferramentas dixitais, redes sociais e profesionais na busca de emprego.

A actividade vai dirixida ao alumnado de últimos cursos de graos e licenciaturas, así como de máster e recén titulados. Nas tres horas do curso coñecerase a utilidade desta ferramenta profesional para a busca de emprego e o establecemento de contactos profesionais, ademais de adquirir e exercitar habilidades para a optimización no seu uso.

O obradoiro desenvolverase dende as 10.00 horas na Aula de Informática 7 da Facultade Ciencias Económicas e Empresariais.