A Orquestra do Espazo de Cámara da USC anima a participar nun encontro musical en agosto

Entre os días 7 e 13 de agosto a Área de Cultura da Universidade de Santiago ofrece a estudantes de música de Galicia ou de fóra a posibilidade de participar nun proxecto educativo da Orquestra do Espazo de Cámara da USC que consiste nun encontro orquestral, con ensaios e concertos, con profesores e profesoras das máis recoñecidas entidades e orquestras de Galicia.

Para poder participar neste programa de verán os candidatos deberán ser membros da Orquestra do Espazo de Cámara da USC ou estudantes de música de terceiro ciclo de grao profesional ou do grao superior ou estudantes que acrediten un nivel musical suficiente. A data límite para formalizar a solicitude é o vindeiro 11 de xullo.

A aqueles participantes que non sexan de Santiago de Compostela a USC proporcionaralles residencia.