O PAS da USC recibe formación en calidade e sustentabilidade

O adxunto á Vicerreitoría de Calidade e Planificación, Pedro Faraldo, e a coordinadora do Plan de Desenvolvemento Sostible da USC, Dora Blanco, participan este martes 15 no curso de acollida para oficiais de servizos de novo ingreso que terá lugar no edifico Cactus do Campus Vida. No curso impartirán o módulo ‘Calidade. O Plan de Desenvolvemento Sostible’, no que lles relatarán ao persoal de novo ingreso na universidade as accións que se desenvolven na USC en materia de calidade e desenvolvemento sostible. Todas estas accións se enmarcan no proxecto de Responsabilidade Social Universitaria da institución. Falarase ademais do Plan de Calidade da USC no contexto da cultura de mellora continua que guía todos os proxectos concretos que se están a desenvolver. A xestión de residuos, a xestión enerxética, o uso responsable dos recursos ou as actividades de participación son algúns dos temas que se tratarán na parte de sustentabilidade.