Presentación dos actos organizados en Lugo co gallo do Día da Ciencia en Galego

A vicerreitora de Servizos Universitarios do campus de Lugo, Carme Silva Domínguez; o profesor da USC e membro colectivo universitario Proxéctate en Galego Marcelino Maneiro, e a directora da Biblioteca Intercentros, Julia Cantalapiedra, presentarán este xoves, ás 11.00 horas, na sala de prensa da Vicerreitoría de Coordinación do campus de Lugo, o programa de actividades que se desenvolverán na sede universitaria luguesa para conmemorar o Día da Ciencia en Galego.

As actividades organizadas no campus de Lugo para conmemorar o Día da Ciencia en Galego desenvolveranse o 4 e o 10 de novembro e o seu obxectivo principal é o de dar a coñecer e achegar a ciencia e tamén as persoas que a fixeron ou que están a investigar na actualidade á sociedade luguesa.