Presentación das axudas para realizar actividades da Universidade de Verán 2015 da USC desde o campus de Lugo

O vicerreitor de Coordinación do campus de Lugo, Javier Bueno Lema; a vicerreitora de Servizos Universitarios do campus de Lugo, Carme Silva Domínguez, e a vicepresidenta segunda da Deputación Provincial de Lugo, Lara Méndez, presentarán este mércores, a partir das 12.00 horas, na sala de prensa da Vicerreitoría de Coordinación de Lugo, a convocatoria dunha nova liña de axudas para a realización de actividades da Universidade de Verán 2015 da USC desde o campus de Lugo.

Os requisitos que deben cumprir as propostas das actividades presentadas para recibir algún tipo de achega a través desta liña específica de financiamento, a contía das axudas, o período durante o que se mantén aberto o prazo para formalizar as solicitudes e a data de resolución deste proceso serán, entre outros, algúns dos asuntos a tratar nesta rolda de prensa.