Presentación dos catro cursos de verán da USC que se desenvolverán en Monforte

A Universidade de Santiago de Compostela desenvolverá este ano catro cursos de verán en Monforte, que se celebrarán no mes de xullo e primeiros días de agosto. As perspectivas para a industria alimentaria, as escritoras europeas de literaturas minorizadas, a paisaxe rural e a violencia de xénero son as catro temáticas que se tratarán.
Estes cursos presentaranse este xoves 12 na Casa do Concello de Monforte, ás 12:30 horas. Estarán presentes neste acto o vicerreitor de Cultura, Elías Torres; o alcalde da vila, Severino Rodríguez, a concelleira de Cultura, Alicia Cadarso e algúns dos directores.