Presentación en Formación do Profesorado dos obradoiros ‘Ao redor da natureza’, dirixidos a nenos de 3 a 12 anos

O decano da Facultade de Formación de Profesorado da USC, Francisco Rodríguez Lestegás, presentará este xoves 15 de maio, a partir das 11.30 horas, no salón de actos do devandito centro universitario lugués, a iniciativa ‘Ao redor da natureza’, un programa de obradoiros dirixido a nenos e nenas de entre 3 e 12 anos organizado pola empresa Ogmios Galicia en colaboración coa USC e en cuxa organización participan tanto docentes como estudantes da Facultade de Formación de Profesorado de Lugo.

A presentación do programa ‘Ao redor da natureza’ contará coa presencia de estudantes da Facultade de Formación de Profesorado, así como da empresa Ogmios Galicia, que serán os encargados de achegar cumprida información sobre os obxectivos deste programa, así como das actividades a desenvolver, prazos de inscrición e prezos.