Presentación de Spin2016, o maior evento de emprendemento universitario iberoamericano

A finais de setembro e comezos de outubro terá lugar en Santiago Spin2016, a cita máis importante para o emprendemento universitario na rexión iberoamericana, que reunirá na Cidade da Cultura máis de 2.000 asistentes e ofrecerá apoio directo a 150 proxectos emprendedores e startups.

Os detalles deste importante evento presentaranse este martes 16 nunha rolda de prensa na que participarán os conselleiros de Cultura, Educación e Ordenación Universitaria e de Economía, Emprego e Industria, Román Rodríguez e Francisco Conde, respectivamente; os reitores das Universidades de Santiago, Vigo e A Coruña, Juan Viaño Rey, Salustiano Mato e Julio Abalde; o director de Santander Universidades España, Pedro Alonso Gil; e o presidente de RedEmprendia, Senén Barro. A cita será ás 11.00 horas na Sala Eisemann do Centro de Emprendemento Creativo da Cidade da Cultura.

Spin2016 organízao RedEmprendia co apoio das consellarías de Educación e de Industria, as tres universidades galegas e a portuguesa do Porto, a Fundación Cidade da Cultura de Galicia e Banco Santander, a través de Santander Universidades.