Presentación dos vocabularios galego-italiano de gastronomía e hostalería

Atender as necesidades concretas dos ámbitos directamente relacionados co turismo é a finalidade dunha serie de vocabularios galego-italiano que edita o Servizo de Publicacións da USC. Os dous volumes publicados ata o momento, dedicados á hostalería e á gastronomía, presentaranse este xoves 19, ás 11.00 horas na Sala de Prensa do Colexio de Fonseca, nun acto no que interveñen o reitor da USC, Juan Casares; o director do Servizo de Publicacións da USC, Juan Blanco; e unha das autoras das publicacións, a catedrática da USC Isabel González Fernández.