Presentación do XX Maratón Fotográfico do Campus na Vicerreitoría de Coordinación de Lugo

A vicerreitora de Servizos Universitarios do Campus de Lugo, Carme Silva, presentará este xoves, ás 12.15 horas, na sala de prensa da Vicerreitoría de Coordinación do campus de Lugo a vixésima edición do Maratón Fotográfico do Campus, un certame artístico que conta xa con ampla tradición en Lugo e que está incluído na programación cultural promovida ao abeiro do convenio Lugo Cultural, no que están representados o Concello e a Deputación de Lugo xunto coa USC.

O deputado provincial delegado da Área de Cultura e Turismo da Deputación Provincial de Lugo, Mario Outeiro; a concelleira de Cultura, Turismo, Xuventude e Promoción da Lingua do Concello de Lugo, Carmen Basadre, e Eduardo Ochoa, membro do grupo Fotocinematográfico Fonmiñá, tamén intervirán na presentación desta nova edición do Maratón Fotográfico do Campus.