Presentación do XXI Maratón Fotográfico do Campus Lugo

A vicerreitora de Servizos Universitarios do Campus de Lugo, Carme Silva, presentará este martes, ás 12.00 horas, na sala de prensa da Vicerreitoría de Coordinación do campus de Lugo a vixésima primeira edición do Maratón Fotográfico do Campus, un certame artístico que conta xa con ampla tradición en Lugo e que está incluído na programación cultural promovida ao abeiro do convenio Lugo Cultural, no que están representados o Concello e a Deputación de Lugo xunto coa USC.

O deputado provincial delegado da Área de Cultura da Deputación Provincial de Lugo, Francisco Balado Teijeiro; a concelleira de Cultura, Carmen Basadre, e Eduardo Ochoa, membro do grupo Fotocinematográfico Fonmiñá e responsable do Espazo de Fotografía da USC, tamén intervirán na presentación desta nova edición do Maratón Fotográfico do Campus.