Preséntase na EPS de Lugo o Grao en Enxeñaría Forestal e do Medio Natural

Os detalles académicos e organizativos do Grao en Enxeñaría Forestal e do Medio Natural da Universidade de Santiago así como as actividades de prácticas forestais desenvolvidas no Monte Segade no pasado curso presentaranse este xoves, 2 de setembro, na Escola Politécnica Superior de Lugo. O acto, que terá lugar ás 12.00 horas na Sala de Xuntas do centro, contará coa participación do vicerreitor de Coordinación e Planificación do Campus de Lugo, Pedro García Herradón; do director da EPS, Javier Bueno Lema; da subdirectora de Prácticas e Orientación Laboral da Escola, Rosa Romero Franco; do presidente da Xunta Reitora da Comunidade de Montes de San Miguel de Orbazai, Pablo González Méndez; e dos docentes da EPS José Antonio Pardiñas García e Mª Josefa Lombardero Díaz.