Preséntase en Lugo un Congreso Internacional de Prevención de Riscos Laborais

Representantes da USC presentarán este mércores 12 ás 11:30 horas na Sala de Prensa da Vicerreitoría de Coordinación do Campus de Lugo o Congreso Internacional de Prevención de Riscos Laborais que se desenvolverá na Facultade de Ciencias dende o 20 ao 22 de outubro.
Nesta presentación estarán o vicerreitor de Coordinación do Campus de Lugo, Carlos Herrero; o decano da Facultade de Ciencias e presidente do Congreso Internacional de Prevención de Riscos Laborais, Francisco Fraga; e o vicepresidente José Carlos Quintas.