Preséntase un novo número da revista Obradoiro de Historia Moderna

O Paraninfo da Universidade, na Facultade de Xeografía e Historia, acolle este venres 29 a presentación do número 19 da revista Obradoiro de Historia Moderna, unha das dúas que a Universidade edita co selo de calidade ‘ USC Editora’. A presentación, que transcorrerá no marco do IV Seminario Obradoiro de Historia Moderna, está prevista para as 11:45 horas e nela intervirán a directora e o secretario de redacción da revista, os profesores Mª Carmen Saavedra e Isidro Dubert, o decano da Facultade, Juan Monterroso; e o director do Servizo de Publicacións da USC, Juan Blanco.