A primeira promoción do POP de Servizos Culturais gradúase este venres na Facultade de Humanidades de Lugo

A Facultade de Humanidades do Campus de Lugo celebrará este venres 17 o acto de graduación da primeira promoción do Programa Oficial de Posgrao (POP) de Servizos Culturais.
O acto terá lugar ás 19:00 horas no Salón de Graos do centro presidido polo vicerreitor de Coordinación do Campus de Lugo, Carlos Herrero, e actuando como madriña a profesora de Historia Contemporánea Pilar López Rodríguez.
Dezanove alumnos recibirán por tanto este venres a súa distinción como especialistas en Servizos Culturais formando parte dunha das primeiras promocións dos programas oficiais de posgrao que rematan na USC. Este máster, que conta coa acreditación europea, deu comezo no Campus de Lugo no ano 2006.
No acto intervirán tamén o decano da Facultade, Alexandre Veiga, e un representante dos alumnos, Yago Pérez Santalla.