O profesor de Psiquiatría Raimundo Mateos participa como convidado na primeira conferencia ministerial da OMS sobre a acción mundial contra a demencia

O profesor de Psiquiatría e presidente da International Psychogeriatric Association (IPA) Raimundo Mateos Álvarez participará a vindeira semana en Xenebra na primeira conferencia ministerial da Organización Mundial da Saúde (OMS) sobre a Acción Mundial contra a demencia. Ao encontro acoden ministros de todo o mundo e especialistas do ámbito clínico e da investigación, ademais de representantes de ONG, para debater por primeira vez nun foro de alcance mundial os problemas que formula a demencia nunha perspectiva internacional. A conferencia ten por obxectivo sensibilizar con respecto á carga socioeconómica asociada á demencia e subliñar como se pode reducir si o mundo se compromete colectivamente a dar prioridade á demencia no programa político mundial. O primeiro día, o luns 16, estará dedicado á investigación e á reglamentación de fármacos ata a atención e os dereitos humanos. Xa o martes 17, ministros e ministras reuniranse para debater a maneira de impulsar colectivamente un programa de alcance mundial sobre a demencia.