O profesor da UNED Antonio Costa diserta no Seminario Vidal Abascal sobre 'Simetrías de espazos de Hurwitz'

O profesor da UNED Antonio F. Costa impartirá este xoves 10 a conferencia ‘Simetrías de espazos de Hurwitz’, incluída na programación de actividades do Seminario de Xeometría e Topología ‘Vidal Abascal’. A sesión comezará ás 16:30 horas na Aula 7 da Facultade de Matemáticas.
Nesta intervención, Antonio F. Costa presentará algúns exemplos de espazos de Hurwitz e estudará as súas simetrías. Estes espazos, que foron introducidos por Hurwitz e Clebsch a finais do século XIX, aparecen agora en xeometría alxébrica, teoría de números e física matemática.
Antonio F. Costaé catedrático de Xeometría e Topoloxía no Departamento de Matemáticas Fundamentais da UNED e está considerado como un recoñecido topólogo. É autor dun destacado número de libros e traballos académicos e divulgativos e de máis de sesenta traballos de investigación publicados nalgunhas das mellores revistas da área.
O Seminario Vidal AbascalO seminario do Departamento de Xeometría e Topoloxía cambia o seu nome en homenaxe ao profesor Enrique Vidal Abascal, partícipe fundamental na creación do citado Departamento e da Facultade de Matemáticas da USC, onde ocupou o cargo de director e decano, respectivamente, ademais de ser unha figura emblemática da matemática galega actual.