Profundo pesar na Universidade de Santiago polo pasamento de Xosé Neira Vilas

A Universidade de Santiago de Compostela, e nomeadamente o seu reitor Juan Viaño, manifestan o seu profundo pesar pola morte de Xosé Neira Vilas, unha perda irreparable. O seu pasamento entristece aos integrantes das institucións culturais de Galicia, a todos os universitarios e a todos os galegos do mundo da cultura, aos da Galicia interior, aos campesiños, aos da Galicia mariñeira e aos moitos que, como el viviu, viven na diáspora.

Para min –manifestou o reitor- morre un veciño e un amigo extraordinario que, en épocas distintas, medramos nas veigas de Boqueixón, igual que o neno labrego da súa novela. A Don Xosé Neira Vilas, narrador, ensaísta, columnista, académico, natural de Gres de Vila de Cruces, na Universidade de Santiago de Compostela lembrarémolo sempre como un dos nosos, como un dos galegos de ben”.