O reitor presidirá o xoves o acto de benvida a estudantes estranxeiros

O reitor Juan Viaño presidirá este xoves 11 o acto de benvida aos estudantes estranxeiros, tanto Erasmus como doutros programas de mobilidade internacional, que este curso se incorporan ás aulas da Universidade de Santiago. A sesión comezará ás 16.30 horas no Colexio de Fonseca e inclúe unha degustación gastronómica e actividades lúdico-deportivas. O maior volume de alumnado estranxeiro na USC para este curso concéntrase arredor do programa Erasmus (na actualidade máis de 300 estudantes), programas bilaterais de intercambio (máis de 250 de Arxentina, Brasil, Chile, China, Colombia, Estados Unidos, México, Perú, Corea, Rusia, Uruguai, Venezuela ou Vietnam), do Programa de Atención a Estudantes Extranxeiro e de Erasmus Mundus.