O reitor Senén Barro entregará este mércores os premios do VIII Concurso de Proxectos Empresariais Innovadores da USC

O reitor da USC, Senén Barro, presidirá este mércores 21 o acto de entrega dos premios da oitava edición do Concurso de Proxectos Empresariais Innovadores da USC nun acto que se vai celebrar a partir das 12:15 horas no Salón Reitoral do Colexio de San Xerome.
Na entrega participarán ademais os vicerreitores de Investigación e Innovación e de Comunidade Universitaria e Compromiso Social, María José Alonso e José M. Mayán, respectivamente; o director do Programa Uniemprende, Carlos Hernández Sande; o subdirector xeral de Apoio á Contratación e Emprendedores da Dirección Xeral de Promoción do Emprego, Jorge Barros de la Peña; e o xerente de Unixest, Gustavo Marcos.
Este concurso, unha iniciativa do programa de fomento da cultural emprendedora na USC Uniemprende, ten como obxectivo impulsar a creación de empresas innovadoras promovidas por estudantes, licenciados ou investigadores universitarios, así como a innovación empresarial e a xeración de emprego.
Neste edición entregaranse un total de seis premios, un primeiro dotado con 9.000 euros e outros dous de 5.000 e 2.000 euros respectivamente. Ademais entregaranse outros tres galardóns nas modalidades de Empresa Xove, Muller Emprendedora, e Proxecto Medioambiental, cada un deles cunha dotación de 2.000 euros.