Remata o XIV Encontro de Latinoamericanistas Españois

‘España – América Latina. Política, cultura, sociedade’ é o tema da mesa redonda coa que o este sábado 18 rematará o XIV Encontro de Latinoamericanistas Españois. Trátase da reunión bianual do Consello Español de Estudos Iberoamericanos (CEEIB) que reuniu en Compostela a máis de trescentos especialistas no campo do americanismo procedentes de 22 países e representando a máis de cen universidades e institucións A xornada comezará ás 10:30 horas no Consello da Cultura Galega coa participación do seu presidente, Ramón Villares; dos profesores da Complutense de Madrid José Carpio e da Universidade de California Fernando López-Alves; e da presidenta do CEEIB, Elda González Martínez. Como moderadora intervirá a profesora da USC Pilar Cagiao. Deseguido, entre as 12:30 e as 13:00 celebrarase a clausura oficial do encontro.