Representantes do Instituto Politécnico de Leiria visitan as instalacións da incubadora de empresas da USC

Representantes do Instituto Politécnico de Leiria visitaron este martes as instalacións da incubadora de empresas da Universidade de Santiago, Uninova, onde foron recibidos polo seu xerente, Gustavo Marcos Cancelas.
O obxectivo desta xornada de traballo foi coñecer de primeira man o funcionamento da Incubadora da USC así como as instalacións e empresas incubadas coa finalidade de extrapolar a metodoloxía aplicada na universidade compostelá na creación de empresas innovadoras de base tecnolóxica e a aplicación do Know How que se desenvolve en Uninova.