O rexistro de usuarios de deportes da USC comeza o vindeiro venres

O curso deportivo 2014-2015 comezará o próximo 1 de agosto e estenderase ata o 31 de xullo de 2015. A partir do próximo venres, as persoas interesadas poderán darse de alta como usuarios/as da USC para participar na oferta deportiva da institución docente compostelá. A alta como usuarios/as permite ademais o acceso á práctica libre nas instalacións deportivas da USC. En breve, a Área de Deportes dará conta das actividades previstas para o novo curso nos campus de Santiago e Lugo así como das competicións que se desenvolverán. As persoas interesadas poden dirixirse á web do Servizo de Deportes.