O pasado romano de Lugo, tema dunha mesa redonda no Museo Provincial

‘O pasado romano de Lugo como factor dinamizador do Lugo actual’ é o título dunha mesa redonda moderada pola profesora de Historia Antiga do Campus de Lugo, Dolores Dopico, que terá lugar no Museo Provincial de Lugo este mércores 14, ás 19:00 horas.
Nela participarán os profesores de Historia Antiga da Universidade de Santiago de Compostela, Gerardo Pereira Menaut e Manuel Villanueva; Manuel Rabanal,da Universidade de León; Juan Santos, da Universidade do País Vasco; a directora do Museo Provincial de Lugo, Aurelia Balseiro; e o director do Museo do Castro de Viladonga, Felipe Arias.
A mesa centrarase na discusión de novas ideas e proxectos que vinculen algunhas das máis prestixiosas universidades españolas e estranxeiras e permitan consolidar Lugo como un centro destacado na investigación da antigüidade.