As rotas de sendeirismo do Servizo de Deportes para xaneiro visitan Torques, Monte Louro e Carnota

O Servizo de Deportes da USC inicia 2011 con dúas propostas de sendeirismo polo concello de Toques e dende Monte Louro a Carnota, permanecendo aberto en ambos casos o prazo de inscrición. A rota polo concello de Torques desenvolverase o sábado 15 cunha lonxitude total de vinte e un quilómetros, desnivel medio e un grao de dificultade medio-alto. A inscrición permanecerá aberta ata o próximo mércores 12 de xaneiro. A segunda proposta de sendeirismo prevista para este mes de xaneiro terá lugar o día 29 transcorrendo entre Monte Louro e Carnota. Serán vinte quilómetros sen desnivel e unha dificultade media-alta, transcorrendo varios quilómetros por area de praia. Neste caso, a inscrición pode formalizarse ata o 26 de xaneiro. Para acadar máis información e os detalles destas dúas actividades, as persoas interesadas poden dirixirse á paxina web do Servizo de Deportes.