O Servizo de Toxicoloxía Forense da USC acredita o seu laboratorio para a análise cualitativa e cuantitativa de 21 compostos

O Servizo de Toxicoloxía Forense do Instituto de Ciencias Forenses ‘Luis Concheiro’ acaba de recibir a acreditación do seu laboratorio conforme á norma ISO 17025 para a análise cualitativa e cuantitativa de ata 21 compostos -entre drogas ilícitas e fármacos de uso habitual- tanto en fluído oral, como sangue a plasma. Concedida pola Entidade Nacional de Acreditación (ENAC), esta acreditación certifica concretamente o proceso de cromatografía líquida acoplada a espectrometría de masas en tándem realizado polo Servizo de Toxicoloxía da USC.

Deste xeito e como explica o catedrático de Toxicoloxía Manuel López Rivadulla, o da Universidade de Santiago é o único laboratorio de España que realiza análise cuantitativa e cualitativa deste espectro de compostos. Concretamente a acreditación certifica que o laboratorio “ identifica, confirma e cuantifica niveles dunha serie de compostos con precisión e sensibilidade adecuada”.