A startup Enelatril, do Centro Yuzz Santiago, gaña o #YUZZday entre máis de 500 emprendedores

O proxecto Enelatril, promovido pola enxeñeira industrial Andrea Aguilella Merelas, do Centro YUZZ Santiago de Compostela, foi a start up gañadora entre as máis de 500 ideas emprendedoras de toda España que se deron cita no #YUZZday Santander 2016. Trátase dunha aplicación para axudar a presentar en público ideas de negocio dunha forma máis eficaz. A súa creadora viaxará agora a San Francisco xunto a outros 47 emprendedores.

Andrea Aguilella defendeu o seu proxecto nun pitch de 30 segundos sobre o escenario e tivo un stand para explicar a súa idea aos asistentes ao evento. O potencial do proxecto e a súa habilidade para defendelo ante o público convenceu o xurado del evento.

#YUZZday busca fortalecer lazos de colaboración entre participantes, profesionais e mentores de toda España e brinda a oportunidade de crear sinerxías e coñecer a traxectoria de emprendedores de primeiro nivel nunha contorna de innovación, creatividade, tecnoloxía e emprendemento. Os partners locais do Centro Yuzz Santiago son a Universidade de Santiago de Compostela e a Secretaría Xeral de Emprego da Xunta de Galicia.

Unha aposta pola innovación
O proxecto YUZZ naceu en 2009 con dous centros, en Barcelona e en Madrid, como un viveiro tecnolóxico de grandes ideas. Desde entonces creceu de forma exponencial e baixo a dirección do Centro Internacional Santander Emprendemento (CISE), co patrocinio do Santander a través de Santander Universidades, alcanzando xa os 47 Centros YUZZ repartidos por toda España e 1.000 emprendedores en cada edición.

Grazas ao traballo coordinado do CISE con universidades de todo o país e con máis de 200 entidades colaboradoras, YUZZ ofrece de forma gratuíta formación e acompañamento durante cinco meses a rapaces e rapazas de entre 18 y 31 anos para que poidan desenvolver os seus propios proxectos en centros de alto rendemento.