A sumiller Mercedes González Rodríguez impartirá un curso monográfico de cata de viño dentro do programa de ‘Gastronomía Pedagóxica’

A sumiller Mercedes González Rodríguez impartirá na USC entre abril e maio un curso monográfico de cata de viños dirixido á comunidade universitaria que se celebrará os mércores en horario de 19.00 a 21.00 horas no marco das Aulas Activas de Cociña. As sesións desenvolveranse entre o 2 de abril e o 28 de maio no comedor do Colexio de Fonseca a razón de catro clases ao mes para un grupo de entre 14 e 20 persoas. Campioa de España do Concurso Europeo de Formadores do Campán 06-07, Mercedes González é ademais a primeira formadora homologada e embaixadora do Consello Regulador da Denominación de Orixe Jerez-Xerez-Sherry para Galicia e directora xerente de Asesoría Gastronómica Membajadora. É presidenta do Club de Cata ‘Vitislucus, expertos análisis sensorial’, membro da Asociación Española de Xornalistas e Escritores do Viño e ata o mes de febreiro pasado, dende o ano 2010, foi presidenta da Asociación de Sumilleres de Galicia Gallaecia. Esta nova proposta desenvolvese de xeito paralelo aos curso continuos de cociña do programa de ‘Gastronomía Pedagóxica (a cultura que se come)’ que desenvolve a Área de Cultura da USC. O obxectivo é que as persoas inscritas aprendan a cociñar dun xeito práctico e divertido, ao tempo que se agranda a cultura gastronómica coñecendo o produto e as orixes das elaboracións e se acada unha sensibilización no consumo san e responsable do patrimonio galego e universal, todo baixo o enfoque do traballo en equipo.